හරින් ප්‍රනාන්දු ක්‍රීඩා පනත සංශෝධනය කළේ ෂම්මි වෙනුවෙන්මයි

ක්‍රිකට් ෂම්මිලා වෙනුවෙන්ම අලුතින් ගැසට්ටුවක් ගැසූ ක්‍රීඩා ඇමති හරීන් ප්‍රනාන්දු කිරිඇල්ලගේ ප්‍රහාරයට ගොන් පිළිතුරක් දෙන්නට ගොස් අනා ගෙන තිබෙනවා. සියලුම ක්‍රීඩා සංගම් වලට අරක්ගෙන සිටින බොහෝ ඉහළ නිලතල දරන්නන් පන්නා ගත නොහැකි තරමට ඒවායේ අරක් ගෙන සිටීම වැළැක්වීමට හිටපු ක්‍රීඩා ඇමති රොෂාන් රණසිංහ නීති ගෙනාවත් ඒ සියල්ල අහෝසි කර හරීන් දැන් කර ඇත්තේ ප්‍රධාන නිලයක අවුරුදු අටක් හා කමිටුවල අවුරුදු 16 ක් සිටිය හැකි බවට අලුතින් ගැසට්ටුවක් ගැසීමයි.

මෙය පනින රිළවුන්ට ඉණිමං ලබා දීමක් වන අතර හරින් මෙම සංශෝධනය කර ඇත්තේ තම ගජ මිතුරු ෂම්මි සිල්වාට තව වසර හතරක් ලබා දීමට බව නොරහසක්.

ෂම්මි හරහා ක්‍රිකට් මුදල් රනිල් වික්‍රමසිංහගේ දේශපාලන ව්‍යාපෘති වලට ලබා ගන්නා හරින් සාගල රත්නායක හරහාත් රනිල්ගේ රැකවරණය ෂම්මිලාට ලබා දෙන බවත් තව දුරටත් රහසක් නොවෙයි.

දඹුල්ල පැවති ඔප්පු ප්‍රදානයට පමණක් ක්‍රිකට් ආයතනයෙන් කෝටි 50 ක් ලබා ගෙන තිබෙනවා.

මීට අමතරව ලංකා ප්‍රිමියර් ලීගයේද හරින්ගේ සබඳතා ඇත්තේ ෂම්මිගේ උදව්වෙන්. ඒ සඳහා නොම්මර එකේ හොර දෙටුවකු වන අනිල් මොහාන්ගේද සහාය හරින්ට ලැබෙනවා. 

ලංකා ප්‍රිමියර් ලීගයේ 75% ක් අනුග්‍රහය ලබා දෙන්නේ බෙටින් ඇප් ඒජන්තලායි. ලංකා ප්‍රිමියර් ලීගය ශ්‍රී ලංකාවේ ක්‍රිකට් ක්‍රීඩාව නංවාලීම සඳහා සත පහක උදව්වක් නොවන බව ලංකා පිලේ ලෝක කුසලාන තරග වලින් ඔප්පු වෙනවා.