රොෂාන් අබේසිංහගේ මුහුණු පොත අයිසීසියට

ලංකාවේ ක්‍රිකට් මාෆියාවක් දුවන චරිත කිහිපයකින් අතරින් රොෂාන් අබේසිංහ සුවිශේෂීයි. රාගම ක්‍රීඩා සමාජයේ සභාපති ලෙස චන්ද දෙකක් පෙන්නමින් බලයට එන සෑම සභාපතිවරයෙක් සමගම ඔහු දමන ඩීල් එකේ ජාත්‍යන්තර විස්තර විචාරකයකු ලෙස අනිවාර්‍යෙන් තම නම නිර්දේශ කර ගැනීම ඇතුළත් බව lankasportsnews මීට කලිනුත් අනාවරණය කළා. තම නම සඟවමින් තවමත් ඔහු ක්‍රිකට් ක්‍රීඩකයන්ගේ ඒජන්තවරයකු ලෙසත් කටයුතු කරනවා. ඔහු වෙනුවට ඉදිරියට දමා ඇත්තේ ඔහුගේ ලේකම්වරියගේ නමයි.

ලංකා ප්‍රිමියර් ලීගයේත් ක්‍රීඩක වෙන්දේසියට විචාරකයකු ලෙස රිංගා ඔහු තම ක්‍රීඩකයන් එයට රිංගවූ අයුරුත් lankasportsnews මීට පෙර පෙන්නා දුන්නා.

ලංකා ප්‍රිමියර් ලීගය 2021 නාකි ලීගයක් බවට පත් කළ ක්‍රීඩක වෙන්දේසියක්

ජාත්‍යන්තර විස්තර විචාරයේ යෙදෙන කිසිවකු විස්තර විචාරය අතරතුර තමන්ගේ මුහුණු පොතේ තරගය ගැන කිසිවක් නොදැම්මත් රොෂාන් අබේසිංහ තම මුහුණු පොතෙන් දිගටම කාලගුණය හා ක්‍රීඩාංගණයේත් තණ තීරුවේත් තොරතුරු දැන්වීම සිදු කරනවා.

මෙය වක්‍ර ආකාරයෙන් ඔට්ටු කරුවන්ට තොරතුරු දැන්වීමක්. මේ පිලිබඳ Lankasportsnews අප මීට පෙර පළකල ලිපිය පහතින් කියවන්න..

රොෂාන් අබේසිංහ බුකී ඒජන්තයෙක් ? Exclusive Exposed

අයිසීසිය විසින් මොහුගේ මේ ක්‍රියා කලාපයන් ගැන අවධානයෙන් සිටින බව ක්‍රිකට් ආයතනයේ දූෂණ මර්ධන ඒකකයේ නිලධාරියෙක් lankasportsnews වෙත පැවසුවා.

මෙහි දැක්වෙන්නේ අද තරගය වර්ෂාව නිසා නවත්වා තිබූ අවස්ථාවේ සෝනි විකාශයද අත් හිටුවා තිබියදී ඔහු තම මුහුණු පොතේ තරගයේ තොරතුරු දක්වා සිටි අයුරුයි.

රොෂාන් අබේසිංහගේ මුහුණු පොතේ මෙම කාලගුණ දත්ත තොරතුරු කලක් නතර කර තිබුණත් ඔහු නැවතත් එය ආරම්භ කර තිබෙනවා.

මේවායේ ස්ක්‍රීන් ෂොට් අයිසීසියේ දූෂණ මර්ධන ඒකකයට යැවීමට තමන් කටයුතු කරන බවත් ක්‍රිකට් ආයතනයේ නිලධාරියෙක් lankasportsnews වෙත පැවසුවා.

මේ අතර ITN හිටපු ගවේෂණාත්මක මාධ්‍යවේදී හසිත අකලංක දෙයාලගේ ගැන යලිත් කතා බහක් ඇතිව තිබෙනවා. ක්‍රීඩා අමාත්‍ය නාමල් රාජපක්ෂ එම විමසීම කර ඇත්තේ CSN ක්‍රීඩා නාලිකාවේ ප්‍රවෘත්ති අංශ ප්‍රධානියා ලෙසත් සිටි හසිත ගැන හොදක් කීමට නම් නොවේ. දූෂණ හා අක්‍රමිකතා නොබියව අනාවරණයට මේ දිනවල කිසිවකු නොවීම ගැන ක්‍රීඩා නිලධාරීන් සමග අදහස් දක්වමිනුයි. එහිදී නාමල් රාජපක්ෂ ක්‍රීඩා අමාත්‍යවරයා පවසා ඇත්තේ හසිත අකලංක සමගින් බේරා ගැනීමට තමන්ටත් ගැටළුවක් ඇති බවයි. එය හොදින් බේරෙන ගැටළුවක් නොව හසිතගේ පවුල් පිටින් වැනසෙන එකක් වනු ඇති. ඒ අමාත්‍ය නාමල් රාජපක්ෂගේ ස්වරය තර්ජනාත්මක වීම හේතුවෙනුයි. මෙම ප්‍රශ්නයට මුල්වී ඇත්තේ CSN ක්‍රීඩා නාලිකාවේ සිට ITN ප්‍රවෘත්ති අංශයට හසිත අකලංක එක්වූයේ එවක යහපාලන රජයට යෝෂිත රාජපක්ෂ හා CSN නාලිකාවේ සබදතාව ගැන සාක්ෂි ලබා දීම හේතුවෙන් බවට වන මතයක් බවයි Lankasportsnews අපට වාර්තා වන්නේ.

එමෙන්ම ඝාතනය වූ රග්බි ක්‍රීඩක වසීම් තාජුඩීන් පිලිබද නිසි ලෙස පරීක්ෂණ ක්‍රියාත්මක නොවන බවට අවස්ථා කිහිපයකදීම මාධ්‍යවේදී හසිත අකලංක දෙයාලගේ ප්‍රවෘත්ති ඉදිරිපත් කර තිබෙනවා. එහිදී රාජපක්ෂ පවුලේ ඊට ඇති සබදතාව ගැනත් එහි සදහන් බව වාර්තා වනවා. මේ අනුව තාජුඩීන් ඝාතනයට තම රාජපක්ෂ පවුලේ සබදතාව හුවා දක්වා ජනතාව අතර අප්‍රසාදයට පත් කිරීමට තොරතුරු වාර්තා කිරීම ගැනත් ගවේෂණාත්මක මාධ්‍යවේදී හසිත අකලංක දෙයාලගේ මෙලෙස ක්‍රීඩා අමාත්‍ය නාමල් රාජපක්ෂගේ කෝපයට ලක්වීමට හේතු වී ඇතැයි වාර්තා වනවා. ලංකාවේ දූෂණ හා අක්‍රමිකතා නොබියව අනාවරණය කිරීම හේතුවෙන් ජීවිතයෙන් වන්දි ගෙවීමට සිදුවූවන් ලෙස ගවේෂණාත්මක මාධ්‍යවේදී හසිත අකලංක හා ඔහුගේ පවුල ඉතිහාසයට එක්වීමට නියමිත බව මේ අනුව කණගාටුවෙන් වුවත් සදහන් කළ යුතුයි.