ක්‍රිකට් ක්‍රීඩකයන් විනාස කරන පෙරකදෝරුවෙක්

ක්‍රිකට් තරග පැරදීම කලාවක් නම් එහි පිකාසෝලා ඇත්තේ ශ්‍රී ලංකා ක්‍රිකට් කණ්ඩායමේයි. කුසල්ලා දෙන්නෙක්ම කණ්ඩායමේ හිටියත් පූරුවේ හෝ මේ ආත්මයේ කර ඇති අකුසල් හේතුවෙන් කණ්ඩායමටම වගතුවක් නැත. නායක කුසල් කාසියේ වාසිය දිනන්න වාසනාවන්ත වුණත් තරග දිනන්න කොහෙත්ම වාසනාවක් නැත. අනෙක් කුසල් බීමතින් එළිවන ජාමේ පාරේ අනික් පැත්තෙන් රස්සාවට යාමට බයිසිකලෙන් යමින් සිටි පුද්ගලික බස් කොන්දොස්තරවරයකු තම ජීප් රථයෙන් යට කර පැන ගොස් කර ගත් පව හේතුවෙන් බිංදු වලට දැවී යයි.

මේ කුසල් පහුගියදා මීඩියා කාරයෙකුට විරුද්ධව උසාවිද ගියේය. ඒ තමන් යට කළ මනුස්සයාගේ මළගෙදර හා ගෙයක් හදා දීමට වියදම් ලබා නොදී කර හැරීම ගැනත් බීමතින් රිය පැදවීම ගැනත් ඉංගිරිසි පත්තරයක ලියන ලද ලිපියකින් තමාට වී යැයි කියන අපහාසයට වන්දි ලෙස මිලියන පන්සීයක් ඉල්ලමින්‍ ය. මේ නඩුව ගොනු කර ඇත්තේ සිඩ්නි ප්‍රේමතිරත්න නම් පෙරකදෝරුවා මගිනි. ඇන්ජෙලෝ මැතිව්ස් ගේ ශා.ජෝශප් පන්ති සගයකු වන මොහු මේ දිනවල ක්‍රිකට් ක්‍රීඩකයන්ගේ ගැලවුම් කරු බවට පත් වෙලා ය. ඒ ඔවුන් තවමත් අත්සන් නොකරන ක්‍රීඩක කොන්ත්‍රාත් පිළිබඳව ක්‍රීඩකයන් වෙනුවෙන් පාලකයන් සමග සාකච්ඡා කරන්නට ඇන්ජෙලෝ හා දිමුත් විසින් යොදාගෙන තිබීමෙන් ය. තම නම හදා ගැනීමේ උත්සාහයක නිරත වන මේ පෙරකදෝරුවා ක්‍රීඩකයන් හා රටේ ක්‍රිකට් විනාස කරමින් සිට්න බව Lankasportsnews කියන්නේ වගකීමෙන් ය.


කුසල්ට අර මීඩියා කාරයාගෙන් මිලියන 500 ක් වන්දි ලෙස ලබා දෙන බවට අන්දා යැවූ ලෙටර් ඩිමාන්ඩ් එක ආපසු ගෙන්වා ගැනීමට මොහුට සිදු වුනේ ඉංගිරිසි පත්තර කාරයා නඩුවට සූදානම් වීම නිසයි. ඒ අනුව කුසල් පානදුර පොලිසියේදී බැලුම් පිම්බීම පමා කිරීම ගල්කිස්ස පොලිසියේ අධිකාරි වරයකු හා බස්නාහිර පළාතේ පොලිස් ලොක්කකු කේස් එක යට ගැසූ අයුරු , හිටපු කොණ්ඩෙ අමුතු ක්‍රීඩකයකු උසාවියට හා පොලිසියට අයුතු ලෙස බලපෑම් කිරීම වැනි දේ පවා ඔවුන් සොයා ගෙන තිබී ඇත. මෙය දැනගෙන බියට පත්වූ ප්‍රේමතිරත්න පෙරකදෝරුවා වහාම නඩුව ඉල්ලා අස් කර ගෙන ඇත්තේ කුසල් යළි අමාරුවේ දමා තමන්ගේ කලිසමද ගැලවේයයි බියට පත් වූ නිසයි. හෙට අනිද්දා කොහොමත් මේ පෙරකදෝරු මහත්තයාට කලිසම ගලවා ගන්නට සිදු වෙනවා. ඒ දිගින් දිගටම තරග පරදින කොටත් ඩිමාන්ඩ් කරන්නට යාම නිසයි. තමන්ගේ විතරක් නෙවෙයි ඇන්ජිගේත් දිමුත්ගේත් කලිසම් මොහු විසින් හෙට අනිද්දා ගලවා දැම්මොත් එය පුදුමයක් විය නොහැකියි.