ලංකාව දිනන්න දන්නෑ - මාලිංග කට අරී - Video

නවසීලන්ත කණ්ඩායම සමග පැවති ටෙස්ට් / එක්දින හා පන්දුවාර 20 ක්‍රිකට් තරගාවලි පරාජය වීමට ශ්‍රී ලංකා කණ්ඩායමට සිදුවුණා. නවසීලන්ත සංචාරය නිමා කරමින් දෙරට අතර පැවති අවසන් තරගය වූ පන්දුවාර 20 යි 20 තරගයේදී ලකුණු 35 කින් ශ්‍රී ලංකාව පරාජය වුණා. මෙම තරගයේ කාසියේ වාසිය දිනා ශ්‍රී ලංකා නායක ලසිත් මාලිංග පළමුව පන්දු යැවීමට තීරණය කළා. ශ්‍රී ලංකාව මෙම තරගයට පිවිසියේ වෙනස්කම් 05 ක් සමගයි.

තරගයේ මුල සිටම නවසීලන්ත පිතිකරුවන් එතරම් සාර් ථක වූයේ නැහැ. මේ අනුව පන්දුවාර 20 අවසානයේ ඔවුන් කඩුලු 07 ක් දැවී ලකුණු 179 ක් ලබා ගත්තා. පිලිතුරු ඉනිම ක්‍රීඩා කළ ශ්‍රී ලංකා කණ්ඩායමේ පිතිකරුවන් සුපුරුදු පරිදි ලකුණු අතරට පැමිණියේ නැහැ. පිතිකරුවන් 07 දෙනෙකු ලකුණු 10 සීමාව පසුකිරීමට පෙර දැවී ගියා.මේ අනුව ශ්‍රී ලංකා කණ්ඩායමට පන්දුවාර 16 යි පන්දු 05 ක් අවසානයේ සියළුදෙනා දැවී ලබා ගත හැකිවුනේ ලකුණු 144 ක් පමණයි. තරගයෙන් අනතුරුව පැවති මාධ්‍ය හමුවේදී ශ්‍රී ලංකා නායක ලසිත් මාලිංග කියා සිටියේ ක්‍රීඩකයින් ජයග්‍රහණය කිරීමට නොදන්නා බවයි. එය මෙම පරාජයන් රැල්ලට හේතුවී තිබෙන බවයි ඔහු කියා සිටියේ. එම වීඩියෝව පහතින්.