ඇමති හරීන්ට උපදෙස් දෙන අය

1973 අංක 25 දරණ ක්‍රීඩා පනතේ වගන්ති අංක 04 යටතේ පිහිට විය යුතු ජාතික ක්‍රීඩා සභාව සඳහා  2019-2020 වර්ෂයට පත් කළ  නිලධාරීන් සදහා පත්වීම් ලිපි ප්‍රදානය කිරීම ක්‍රීඩා අමාත්‍ය හරීන් ප්‍රනාන්දු මහතාගේ ප්‍රධානත්වයෙන් සිදු වුණා. 

පනතෙහි අදාළ වගන්තිය අනුව සමස්ථ ක්‍රීඩාවේ දියුණුව, වර්ධනය හා පරිපාලනය පිළිබඳ කටයුතු කිරීම පිළිබඳව ගරු අමාත්‍යතුමාට උපදෙස් ලබා දීම පිණිස හා එමගින් ක්‍රීඩාවේ උන්නතියට, වර්ධනයට අවංකව සහභාගීවන ඒ සඳහා ස්වේච්ඡාවෙන් දායකවන පිරිස මේ සඳහා පත් කළ බව ක්‍රීඩා අමාත්‍යාංශය නිවේදනය කරනවා. කෙසේ වෙතත්  හවුල් ආංඩුවක් පත්වූ පසු ක්‍රීඩා සභාව පත්කිරීම දිනෙන් දින කල් ගියා. එහෙත් ක්‍රීඩා අමාත්‍යවරයා යනු සමස්ථ  ක්‍රීඩා 64 පිලිබදවම දන්නා අයෙකු නොවේ. එවිට සිදුවන අඩුපාඩු මගහරවා ගැනීමට හැකිවන්නේ ජාතික ක්‍රීඩා සභාවේ උපදෙස් අනුව යමින් බව අමුතුවෙන් කිව යුතු නැහැ.

හිටපු ක්‍රීඩා අමාත්‍ය මහින්දානන්ද අලුත්ගමගේ මහතා පත්කළ ජාතික ක්‍රීඩා සභාවේ කටයුතු කළ නීතිඥ පන්ඩුක කීර් තිනන්ද මහතා මෙවර කමිටුවේද සිටීම කැපීපෙනෙනවා. මුදලට තරග පාවාදීම් වැලැක්වීමේ පනත් කෙටුම්පත මෙන්ම තිලංග සුමතිපාල මහතා යලි ක්‍රිකට් සභාපති තනතුරට ඉදිරිපත්වීම වැලැක්වීමට සක්‍රිය දායකත්වයක් දැක්වූවා. එවන් අයෙක් ජාතික ක්‍රීඩා සභාවේ සාමාජිකයෙක් ලෙස පත්වීම ක්‍රීඩාවේ සහ රටේ වාසනාව බවයි ඇතමුන් පවසන්නේ. ක්‍රීඩා අමාත්‍ය හරීන් ප්‍රනාන්දු මහතාට නිවරදි උපදෙස් ඔහු ලබාදෙන්නේදැයි අප විමසිල්ලෙන්.

1	සභාපති	ශ්‍රී ලංකා යුද්ධ හමුදාවේ හිටපු හමුදාපති දයා රත්නායක මහතා
2	ශ්‍රී ලංකා උත්තේජක මර්ධන නියෝජ්‍යායතනයේ නියෝජිතයෙක් - සභාපති	මහාචාර්ය අර්ජුන ද සිල්වා මහතා
3	ක්‍රීඩා අධ්‍යක්ෂ ජනරාල්	ධම්මික මුතුගල මහතා (නිල බලයෙන්)
3	ක්‍රීඩා වෛද්‍ය ආයතනයේ නියෝජිතයෙක් - අධ්‍යක්ෂ ජනරාල්	වෛද්‍ය ලක්ෂ්මන් එදිරිසිංහ මහතා
4	ජාතික ක්‍රීඩා විද්‍යායතනයේ නියෝජිතයෙක් - අධ්‍යක්ෂ	සජිත් ජයලාල් මහතා
5	අධ්‍යාපන අමාත්‍යාංශයේ හිටපු අධ්‍යක්ෂ (ක්‍රීඩා)	කර්නල් මංජුල කාරියවසම් මහතා
6	පැරා ඔලිම්පික් සංගමයේ නියෝජිතයෙක්	ලුතිනන් කර්නල් ඩී.ටී.එල්.එස්. කරවිටගේ මහතා
7	ශ්‍රී ලංකා පොලිස් සේවයේ සක්‍රීය හෝ විශ්‍රාමික නියෝජිතයෙක්	ජාතිකරහස්ඔත්තුසේවාවේහිටපුඅධ්‍යක්ෂ මොහොමඩ් හෆීස්මාර්සෝ මහතා
8	හිටපු ක්‍රිකට් ක්‍රීඩක	සිදත් වෙත්තමුනි මහතා
9	හිටපු ශ්‍රී ලංකා රගර් සභාපති	අසංග සෙනෙවිරත්න මහතා
10	නීති අංශයේ නියෝජිතයෙක්	නීතිඥ පණ්ඩුක කීර්තිනන්ද මහතා
11	ක්‍රීඩා මාධ්‍ය ක්ෂේත්‍රයේ ප්‍රවීන මාධ්‍ය වේදියෙක්	අශෝක ගුණතිලක මහතා
12	ප්‍රවීණ ක්‍රීඩක	ප්‍රියන්ත ඒකනායක මහතා
13	ප්‍රවීණ ක්‍රීඩිකා හා අධ්‍යාපන අමාත්‍යාංශයේ ව්‍යාපෘති නිලධාරී	ශ්‍රියානි කුලවංශ මිය
14	ජාතික ක්‍රීඩා සභාවේ ලේකම්	ශාලිකා කාරියවසම් මිය