ජාතික ක්‍රීඩාවට පුහුණුකරුවන් සොයයි

2019 වර්ෂය සදහා ශ්‍රී ලංකා ජ්‍යෙෂ්ඨ සහ කනිෂ්ඨ පිරිමි / කාන්තා වොලිබෝල් කණ්ඩායම් පුහුණුකරුවන් පත් කිරීමට ශ්‍රී ලංකා වොලිබෝල් සම්මේලනය තීරණය කර තිබෙනවා.  ඒ අනුව ජ්‍යෙෂ්ඨ පිරිමි සහ කාන්තා කණ්ඩායම් සඳහා අභ්‍යාසක වශයෙන් 04 දෙනෙකු ද, වයස අවු. 23 න් පහළ (කණිෂ්ඨ) පිරිමි සහ කාන්තා කන්ඩායම් සඳහා ප්‍රධාන පුහුණුකරු 02 ක්, සහාය පුහුණුකරු 02 ක් සහ අභ්‍යාසක 02 ක් වශයෙන් පත් කිරීමට නියමිතයි.

මේ සඳහා ජාතික මට්ටමෙහි කණ්ඩායම් පුහුණු කිරීඹ පිළිබඳ සුදුසුකම් ඇති අපේක්ෂකයින් තම සුදුසුකම් සහිත අයදුම්පත්‍ර 2019 ජනවාරි 10 දිනට ප්‍රථම පහත සදහන් ලිපිනයට ලියාපදිංචි තැපෑලෙන් එවීමට කටයුතු කරන ලෙස නිවේදනය කර තිබෙනවා.

ලිපිනය

ප්‍රධාන ලේකම්

ශ්‍රී ලංකා වොලිබෝල් සම්මේලනය

නො. 33

ටොරින්ටන් පෙදෙස

කොළඹ 07.

අයදුම්කරුවන් අයදුම්කිරීමට බලාපොරොත්තු වන තනතුර අයදුම්පත්‍රෙයහි සඳහන් කර එවීම අනිවාර්ය වනවා.