චන්දිගේ නායකත්වය සුරංගට

සංචාරක එංගලන්ත කණ්ඩායම සමග ලබන බදාදා ආරම්භවීමට නියමිත දෙවන ටෙස්ට් ක්‍රිකට් තරගයේ නායකත්වය සුරංග ලක්මාල්ට ලබාදීමේ සූදානමක් පවතිනවා. ඒ නිත්‍ය නායක දිනේෂ් චන්දිමාල් ඇගිල්ලේ ආබාදයකට ලක්ව සිටීම හේතුවෙන්. දෙරට අතර පැවති පළමු ටෙස්ට් ක්‍රිකට් තරගයේදී ඔහු ආබාධයකට ලක්වුණා. එය පූර් ණ සුවය ලැබීමට දින 14 ක කාලයක් ගතවනු ඇතැයි ප්‍රධාන පුහුණුකරු චන්දික හතුරුසිංහ මහතා පවසනවා. කෙසේ වෙතත් මෙතෙක් චන්දිමාල් පිලිබද අවසන් තීරණය ගෙන නැහැ.

චන්දිමාල් වෙනුවට කණ්ඩායමට කුසල් පෙරේරා හෝ ලහිරු තිරිමාන්න ඇතුලත් වනු ඇතැයි කණ්ඩායම් ආරංචි පවසනවා. දෙරට අතර දෙවන ටෙස්ට් ක්‍රිකට් තරගය පැවැත්වීමට නියමිතව ඇත්තේ පල්ලෙකැලේ ජාත්‍යන්තර ක්‍රිකට් ක්‍රීඩා පිටියේදීයි.