එංගලන්තයට ගහන්න යන හැටි

ශ්‍රී ලංකාව හා සංචාරක එංගලන්ත කණ්ඩායම අතර දෙවන එක්දින ක්‍රිකට් තරගය දඹුල්ල ක්‍රිකට් ක්‍රීඩා පිටියේදී හෙට දිවා තරගයක් ලෙස පැවැත්වීමට නියමිතයි. මෙම තරගයේදී ශ්‍රී ලංකා පිතිකරුවන්ට වැඩි වගකීමක් පැටවෙනු ඇති. ශ්‍රී ලංකා ක්‍රිකට් කණ්ඩායම අද පැවති කණ්ඩායම් රැස්වීමේදී මෙම තරගයට මුහුණදෙන ආකාරය පිලිබද දීර් ඝව සාකච්ජා කර තිබෙනවා. එහිදී එංගලන්ත පිතිකරුවන්ගේ මෙල්ල කිරීමට අපහසු බව මෙරට පන්දු යවන්නන් පෙන්වා දුන්නා. ඒ අනුව පන්දු යවන්නන්ට එංගලන්ත කණ්ඩායමට ලකුණු 275 ක ඉලක්කයක් කරා පමණක් ලගාවීමට ඉඩ දිය හැකි බවයි තීරණය වී ඇත්තේ.

එය හඹායාමේදී පිතිකරුවන් වඩා වගකීම් සහිත විය යුතු බව පෙන්වා දී තිබෙනවා. ඊයේ දිනය පුරා මෙන්ම අද දිනය පුරාද දඹුල්ල අවට වියලි කාලගුණයක් පවතිනවා. එය තවදුරටත් පවතිනු ඇති බවටයි මත පළවන්නේ.